港聞

【Emily Online】機管局推三跑曾研究:去北京坐高鐵比飛機「無競爭力」 (20:05)

政府近期落力Hard Sell高鐵一地兩檢嘅好處,之前喺政府新聞處facebook上載圖片,話坐高鐵由香港返廣州,喺唔停中途站下車程只需48分鐘,但坐飛機就要60分鐘,而且仲需要提早1至2個鐘到機場,單比行程都已經快12分鐘,但就畀唔少網民批評係誇大失實。不過,原來機管局喺2011年力推目前造價高達1415億元嘅第三條跑道項目時,就曾經引用顧問研究,證明坐飛機去內地大部分城市都比高鐵快,當中更直指話如果到北京、重慶、成都呢啲大城市,高鐵對比飛機完全「無競爭力」。

其他報道:蔡若蓮稱做副局平常心 籲反對者給予時間空間

政府喺上星期二公布高鐵一地兩檢方案之後,近日係咁打民意戰,力銷高鐵嘅交通同經濟效益,當中政府新聞處facebook最近上載4幅圖片,話坐高鐵既環保又快捷,仲話如果由本港到廣州嘅話,高鐵唔停中途站下只需48分鐘。港鐵主席馬時亨日前亦都話,如果高鐵有一地兩檢,佢去北京嘅話「一定會乘搭高鐵,不會乘搭飛機。」

不過,運房局舊年5月回覆傳媒時,就話過高鐵啟用初期每日會有114對列車,當中只有11對係由西九龍站直達到廣州南站,比例不足一成。

而新民主同盟區議員譚凱邦今日就搵番2011年機管局力推第三跑工程上馬時嘅諮詢文件,當時機管局引用顧問公司同運房局嘅數據,比較咗香港前往16個內地城市嘅車程,當中證實咗10個城市係坐飛機比高鐵快,文件仲列明其中5個城市,包括北京、重慶、成都、西安同昆明,對比飛機「高鐵無競爭力」。至於坐高鐵快過飛機嘅城市就包括汕頭、長沙、南京、廈門等。

譚凱邦就批評政府卑鄙,「機管局推銷三跑時,就話長途高鐵冇競爭力;而林鄭7月9日參觀石崗高鐵停泊處時,就話搭高鐵去上海、北京好方便,咁邊個先啱?」佢批評政府「推銷三跑時就容許機管局踩低高鐵,宜家推銷高鐵時就講到上海、北京好似係香港隔籬咁」。

其他報道:【短片】首批10副局8政助名單出爐 蔡若蓮任教育局副局長 明日履新

其他報道:深圳大學女生來港失蹤3日 消息指涉盜竊被捕

相關字詞﹕編輯推介 高鐵 飛機

上 / 下一篇新聞