港聞

下一篇
上一篇

【Emily Online】盈盈樂樂慶生日 港人享海洋公園「買二送一」門票優惠 (15:27)

大熊貓繁殖季剛過,相信大家都好關心盈盈、樂樂有無好消息,不過今年都似乎係一如既往咁「食白果」。不過,各位市民唔使失望,因為盈盈樂樂今個月生日,海洋公園推出港人優惠,凡買兩張成人門票就可以獲送一張小童票。

其他報道:【建軍90年】習近平強調黨指揮槍顛撲不破 讚揚履行港澳防務 堅決打擊分裂

海洋公園表示,今年安排咗盈盈同樂樂4度共處交配,佢哋曾嘗試自然交配但未成功。中國大熊貓保護研究中心科學研究與動物管理處負責人黄炎教授、獸醫主管王承東其後建議,利用樂樂嘅新鮮精液,仲有安安嘅冷藏精液,為盈盈進行咗4次人工授精。

不過,海洋公園陸生動物部高級館長祝效忠話,盈盈今年7月初開始出現典型嘅懷孕迹象,包括減少進食、增加睡眠及休息時間,外陰腫脹,以及荷爾蒙水平出現變化,但上述迹象可能係假懷孕導致,目前暫未有消息。

樂樂盈盈分別喺今個月8號同16號生日,海洋公園行政總裁李繩宗話,為咗慶祝佢哋生日,由明日起至8月27日,本港居民可享「買二送一」門票優惠,只要喺海洋公園售票處或網站購買成人門票兩張,並出示有效嘅香港身分證明文件,即可獲贈小童(年齡介乎3至11歲)門票一張,免費小童門票須於換領當日使用,而持免費門票之小童須由該兩名付費成人陪同入場。

其他報道:【短片】福建中學學生挺蔡若蓮任副局 但更望留任校長

其他報道:項明生涉非禮案 FB發文稱「願我遠離一切敵意與危險」

其他報道:僱傭公會:內地視菲傭為「家庭教師」教少主英語 更具吸引力

相關字詞﹕海洋公園 港人優惠 盈盈 樂樂 李繩宗 黄炎教

上 / 下一篇新聞