港聞

【Emily Online】駐港部隊司令員:解放軍駐港20年 續堅持落實一國兩制 (21:39)

駐港解放軍今日喺中環軍營舉行慶祝中國人民解放軍建軍90週年酒會。酒會喺晚上7點幾開始,先唱國歌,其後駐港解放軍率先播放長約20分鐘片段,輯錄國家主席習近平訪港、遼寧號來港等片段,再由駐港部隊司令員譚本宏致辭。

譚本宏指出,解放軍喺黨中央領導下,為國家富強建設同奮鬥,又話今年同樣係解放軍進駐香港20年,未來會繼續堅持貫徹落實一國兩制。

其他報道:下周一月偏食 香港大部分地方可見

儀式尾聲時,譚本宏、特首林鄭月娥、全國政協副主席董建華等7名主禮嘉賓上台祝酒。多名高官,如政務司長張建宗、財政司長陳茂波全程站係台下,企足半個鐘。

噚日林鄭月娥出席電影《建軍大業》着咗紅色連身花裙、黑色絲襪同埋斜孭手袋。作為酒會主禮嘉賓嘅林太就無再作咁輕鬆嘅打扮,身穿紅色花紋外套、彩色旗袍,Emily記得,林太係7月頭遼寧號編隊訪港嘅駐港解放軍歡迎儀式時,穿過同一件外套。

另外,前特首、全國政協副主席梁振英同為主禮嘉賓,儀式完結後,佢就滿場走,同不同人士影相留念,但就無答Emily提問。

特區政府司、局長、紀律部隊首長、政商界人士獲邀出席酒會,包括政務司長張建宗、保安局長李家超、運輸及房屋局長陳帆等高官、警務處長盧偉聰、懲教處長邱子昭、海關關長鄧以海等紀律部隊首長都有出席。

久未露面的前一哥曾偉雄似乎心情唔錯,同Emily分享20年前駐守新界北,親眼見證解放軍進城一刻,又話建軍90周年,佢都感到好開心。

其他報道:中大深圳畢業證書曝光 校友:樣式與香港中大極相似

其他報道:街馬辦跑步賽 邊飲啤酒邊跑 醫生指或增跌倒受傷風險

相關字詞﹕駐港解放軍 建軍90週年 董建華 梁振英 林鄭月娥 編輯推介

上 / 下一篇新聞