港聞

【短片:Emily Online】城市論壇主持蘇敬恆笑笑口拒答政助傳聞 (16:09)

人稱蘇B嘅港台《城市論壇》主持人蘇敬恆,盛傳將出任食物及衛生局政治助理。佢今日主持本季最後一節《城市論壇》,節目完結後,行家都立即把握機會,關心一下蘇B嘅未來動向。不過蘇B只係話城壇今日係本季最後一集,8月會如常休息一個月,去到9月中新一季又會返嚟。

其他報道:【好熱呀!】跑馬地沙田西貢達37度 銅鑼灣空氣指數爆標

蘇B又話知道大家都好關心佢嘅去向,好多謝傳媒朋友嘅關心。Emily同行家就追問,咁新一季係咪會有新主持呢?或者蘇B會唔會換個角色,以嘉賓身分出席節目呢?

蘇B就只係笑笑口話「咁我一向都坐喺上面嘅」,不過要面對行家追訪,佢都話好唔習慣。佢無透露節目係咪會有新面孔主持,但就希望大家繼續支持港台同《城市論壇》。佢話城壇係港台重要嘅節目,做咗兩季主持都有深刻體會,自己都學到好多嘢。

被問到係咪已經辭職,蘇B就話自己仲係港台員工,但8月都會同節目一樣放假休息一下,同屋企人去旅行,仲好玄咁話「放完假會繼續工作」,至於係邊個崗位,佢就賣個關子,繼續以笑容應對。

其他報道:陳茂波:一地兩檢鞏固香港策略性地位 讓市民感便捷

其他報道:上任滿月林鄭指變得比以往謙卑 重申「不走數」將重建年輕人置業階梯

上 / 下一篇新聞