港聞

下一篇
上一篇

【短片:Emily Online】林鄭帶FB團隊幫襯社企 小編齊開餐 (21:22)

特首林鄭月娥7月一上任,搞嘅新意思之一就係開咗個FB專頁。佢今日更新咗動態,鋪文鋪相同鋪片,話自己噚日帶埋FB團隊去咗社企iBakery食晏,同員工合照,又為大家簽名留念。

其他報道:未經公開招聘 規劃署前署長任保育大嶼統籌 前下屬有份遴選

iBakery(愛烘焙麵包工房)係東華三院旗下嘅社企,訓練同聘用殘障人士。林太喺FB貼文話,自己過去十幾年喺唔同嘅工作崗位都幫手推動社會企業發展,又時常幫襯添馬公園嘅iBakery,同經理同埋啲員工好熟。佢仲特登落咗「#社企」、「#有能者聘之」、「#融入社會」嘅hashtag添。

林太呢個post係夜晚差唔多7點鋪嘅,兩個鐘就有超過800人畀表情符號,其中700幾個都係like。

網民留言亦大多表示支持,有人話「過去很多政府官員好像不食人間煙火」,認為林太表現唔錯,值得支持;又有人讚呢個特首「好親民,關懷小企業發展」。

不過,亦有網民質疑林太到底係咪真係有幫襯,自言「去過好多次,都唔見你喎?」也有細心網民問到「Facebook團隊呢?」Emily其實睇完相同片之後都想問呢個問題,小編喺邊度呢?

其他報道:城市論壇主持蘇敬恆 傳已遞信辭職做政助

其他報道:大蛇灣開船P 19歲青年瀡滑梯遇溺亡

其他報道:風暴納沙明升級颱風 入港800公里 與另一低氣壓相互作用

相關字詞﹕編輯推介 林鄭月娥

上 / 下一篇新聞