港聞

下一篇
上一篇

【Emily Online】水務署更新網頁 針對不同受眾添服務信息 (18:10)

水務署今日更新咗網頁(www.wsd.gov.hk),新增註冊用戶、註冊代理人、水喉業界人士同公眾專區,方便市民瀏覽唔同群組嘅服務同相關信息。

其他報道:學者倡填船灣淡水湖建新市鎮起樓 林超英反對:唔飲水,畀屋你住都無用

註冊用戶專區提供樓宇內部嘅水管維修保養資訊,包括用戶進行家居單位裝修時,有關水喉工程嘅注意事項。呢個專區亦有水費單同供水服務嘅快速連結,註冊用戶可以一站式管理水費單、申請電子帳單服務,同埋申請供水等事項。

註冊代理人專區就有清洗水箱嘅注意事項,同大廈優質供水認可計劃嘅資料,同埋處理屋苑公用供水系統漏水問題嘅應對措施。

水喉業界人士專區主要分享業界嘅實用參考資料,包括水務署認可嘅喉管及裝置、適用於內部同消防供水系統嘅喉管和裝置標準、新水務署通函,仲有同建造業議會一齊編製嘅《水喉工程的良好作業指引》等。

公眾專區提供各種教育信息,如用水小貼士同慳水錦囊。市民亦可以喺嗰度了解食水含鉛超標調查委員會各項建議嘅跟進工作進度,同埋水務署監管內部供水系統建造同安裝嘅相關優化措施。

市民都可以喺網頁瀏覽分類嘅最新消息。水務署亦增設分頁向市民介紹工作,如水資源管理、用水流失管理、將軍澳海水化淡廠同節約用水等資訊。

市民可致電水務署24小時熱線2824 5000或電郵至wsdinfo@wsd.gov.hk查詢。

其他報道:【佔旺藐視法庭案】警長供稱被告未聽從指示離去 後認對方表現合作

其他報道:稱喜歡行丹霞山搭高鐵可省時間 邱騰華籲以「普通人」角度看一地兩檢

相關字詞﹕水務署

上 / 下一篇新聞