港聞

下一篇
上一篇

【Emily Online】司局長兩年須走勻18區 每次要與區議員傾偈1小時 (17:53)

特首林鄭月娥上任翌日已即時落區見市民,身體力行展示其管治新風,除咗佢自己,其實佢都要求官員同佢一樣,能經常近距離同市民接觸。Emily聽聞林太要求問責官員要喺兩年內行勻18區,計下條數頻率都幾高喎!

Emily聽聞林鄭要求官員落區唔係就咁參觀下機構就算,講明要佢地同當區區議員傾偈一個鐘,藉此了解民生事務,不過計落若個個問責官做足要求,18區嘅民政專員最忙碌,因三司十三局每人18區,即落區要288次,平均每周有三次官員落區,認真唔係少嘢架。

另外,政府今日公布「共慶回歸顯關懷」新一批官員落區名單,佢哋會探訪各區的長者家庭和有需要家庭,以表達關懷。其中運輸及房屋局局長陳帆、發展局局長黃偉綸聽日分別去中西區同深水埗區;次輪就到勞工及福利局局長羅致光,佢下星期一去元朗區,而商務及經濟發展局局長邱騰華就會喺下星期二去北區。因為佢地都係新上任嘅局長,連任嘅官員早已派了福袋,等佢地派埋便完成任務,但記住呢啲不計喺林鄭要求嘅走勻18區架。

其他報道:傳何俊仁患初期肺癌 李柱銘證剛做手術 蔡耀昌料休息後會康復

其他報道:未隨《壹週刊》賣黃浩 《飲食男女》8月初停紙本 轉戰數碼平台

相關字詞﹕編輯推介 林鄭月娥 問責官員

上 / 下一篇新聞