港聞

下一篇
上一篇

【Emily Online:野生捕獲】蝙蝠俠大導路蘭低調來港 網民合照獲簽名海報影碟 (22:27)

唔少香港人對蝙蝠俠電影系列「黑夜之神三部曲」都好有興趣,你哋有無諗過要親身見下大導演路蘭(Christopher Nolan)呢?依家可能就有機會喇,因為路蘭靜悄悄嚟咗香港呀!佢今日仲畀網民「野生捕獲」,合照之餘仲攞到佢簽名添。

其他報道:【短命8號波】天文台長分享烈風位置圖:這cap圖會成經典 指近年有人關心假期多於災難預防

位於油麻地嘅百老匯電影中心今日就喺facebook貼咗幾張相,除咗有一位網民同路蘭大導喺電影中心嘅合照之外,仲有佢哋得到嘅路蘭簽名《潛行兇間》(Inception)海報同埋蝙蝠俠電影影碟。個post有近5000人畀心情,仲有400幾個回應同超過1000個分享,有網民仲留言表達羨慕之情,話「這些機會不是我的」。

相信好多網民都好想知大導路蘭仲會去香港邊度「蒲」呢,百老匯電影中心嘅小編就話「唔好問我地(哋)」,感嘆話這些機會連員工都無。Emily見到兩位幸運兒有咁大收獲,都唔怪得其他人咁「葡萄」呀!

除咗蝙蝠俠電影同Inception,路蘭執導同編劇、啱啱喺幾日前上映嘅《鄧寇克大行動》(Dunkirk),據講都大獲好評。

其他報道:流感肆虐 兩月殺235人

其他報道:【流感肆虐】公立中醫門診仍有三成空間 籲非緊急患者可求診

相關字詞﹕路蘭 christopher nolan 潛行兇間 蝙蝠俠 鄧寇克大行動 電影 導演 黑夜之神 編輯推介

上 / 下一篇新聞