港聞

下一篇
上一篇

【Emily Online】地政勒令24號前拆所有橫額 長毛發帖盼網民幫手 (11:29)

取消立法會議員資格(DQ)風波後,四位被革除立法會職務的議員,需要喺今個月28日前收拾物件搬離立法會。而被DQ嘅社民連梁國雄(長毛)就喺facebook話,懸掛街道上嘅宣傳橫額,被地政署要求本月24日前全部拆除,「否則(地政署)會逐條banner同我哋計清理費」。

眼見Deadline逼近,長毛噚晚就喺facebook發文呼籲網民幫幫手,一見到佢嘅橫額就幫手拆,「新東選區好大,唔少banner仲要位於郊區,我哋實在唔夠時間清拆」。佢話,已經向地政總處提出過延期,但對方話唔可以改期。

長毛又請求網民將拆落嘅橫額,帶返去社民連位於長沙灣嘅總部,以回收再用 。

唔少網民都應長毛要求幫手拆橫額,長毛話,如果自行拆橫額時有人阻撓,就向對方展示佢喺facebook 嘅帖文,話係長毛授權就可以。亦有網民質疑今次係「政治打壓」、「趕盡殺絕」。

其他報道:【一地兩檢】湯家驊:修改基本法非常危險 劃出香港管治範圍更易解決

其他報道:饒戈平﹕港屬於祖國 割地概念全錯 高鐵「內地區」敏感行為 湯家驊料只會遣返

其他報道:韓少功:港作家少關心天下家國 比較80年代來港:今政治空氣更濃

相關字詞﹕編輯推介 梁國雄

上 / 下一篇新聞