港聞

【Emily Online】市民關心食油安全 《選擇》加印4000本 (19:08)

食油係煮食不可或缺嘅一部分,消委會最新出版嘅《選擇》月刊詳列60款食油樣本化驗結果,發現很多都含有塑化劑、污染物甚至致癌物。報告同讀者分享選擇食油嘅訣竅,例如花生油、粟米油等嘅好脂肪酸及壞脂肪酸比例,又教市民因應烹調方式,點樣選取唔同食油先食得健康。

市民睇嚟好關心自己食緊隻油係咪安全同乾淨,爭住買今期月刊,令到月刊短短兩日內售出九成存貨,加上書展期間需求緊張,消委會加印4000本,預計今次總共會賣約3萬本。

每次《選擇》報道貼身嘅消費議題都會賣斷市,上次加印係舊年7月公布沐浴露測試,揭露當中嘅致敏防腐劑、染色料情況,一出街即刻成為搶手貨;再之前就係2014年7月講除皺霜嗰期,仲有2012年10月踢爆近半強積金蝕本都賣斷市。

其他報道:換肺病人染日本腦炎危殆 有捐血者血液帶病毒 或為首宗經輸血感染案例

其他報道:【Emily Online】陳綺貞加入安老會?

其他報道:【單車友注意】香港單車節明早報名 50公里組增300名額

相關字詞﹕消委會 選擇月刊 食油安全

上 / 下一篇新聞