港聞

【Emily Online】屈穎妍大嘆學校唔受佢 娥姐鼓勵唔好「縮」 (18:14)

專欄作家屈穎妍今日出席香港書展一個論壇,論壇題為《回歸20年 — 香港浴火重生》。屈喺論壇上話,好多學校都唔接受佢,唔畀佢入學校做講座。出席聽講座嘅陳玉娥(娥姐)就鼓勵屈,叫佢唔好「縮」,引來全場掌聲。

其他報道:《南華早報》刪文道歉 指論及栗戰書文章內容未能證實

屈穎妍話,好多學校都驚咗佢,唔邀請佢去學校做講座,反而就有好多學校邀請民主黨前主席劉慧卿、香港眾志秘書長黃之鋒入學校。佢形容,教育係重要嘅「戰場」,一定要口誅筆伐教協,唔可以畀佢哋把持教育界。

娥姐其後就舉手問問題,佢大讚屈穎妍好厲害,鼓勵佢取代葉建源,去選教育界,又話,「你(屈)唔應該縮埋」,學校唔畀屈入去,就更應該要入去搞講座。不過娥姐就無實質建議應該點入學校,Emily怕如果屈小姐衝入學校,會誤墮法網喇。

其他報道:【書展開鑼】家長狂掃補充練習 小朋友:唔做阿媽會鬧

其他報道:【書展開鑼】日本旅遊局再辦展覽 今年首5月逾88萬港人遊日 增25%

相關字詞﹕屈穎妍 陳玉娥 書展

上 / 下一篇新聞