港聞

【Emily Online】「躝癱」英文點講?楊立門話勉強可譯…… (15:13)

前民政事務局常任秘書長楊立門,離開政府後去尋找夢想當歌星,最近終於返新工,去咗廠商會做行政總裁。楊立門多才多藝,一直有接job做即時傳譯工作,但佢話以往都遇過唔少難搞案例唔識譯。Emily即時考佢,噚日立法會議事廳上民主黨黃碧雲鬧民建聯劉國勳「躝癱」可以點翻譯,楊立門都話頭痕,而勉強可以譯「jerk」喎。至於jerk係咩意思,大家可以去查下字典睇下楊立門譯得好唔好啦。

講開即時傳譯,楊立門好記得被DQ咗嘅長毛梁國雄,佢話長毛有時發言所舉嘅例子,真係唔識譯,例如長毛會話,打隻靚牌畀你食糊,佢只能意譯。

講番廠商會,佢話未來工作都好充實,例如籌劃明年初上廣州辦工展會等。

其他報道:【4議員DQ】涂謹申籲林鄭勿「落井下石、乘人之危」 朱凱廸指財委會陷交戰狀態

其他報道:【短片】少女搭巴士疑遭偷拍裙底 網民人肉搜尋涉事男 重案組主動調查 

其他報道:大埔有村民被洪水圍困 「上面山水湧落嚟去唔切,有渠都冇用」

相關字詞﹕躝癱 楊立門 黃碧雲 劉國勳 編輯推介

上 / 下一篇新聞