港聞

【Emily Online】曾智華牽頭出書談「跌低企返身」 曾鈺成難忘直選失敗 街頭遇民建聯新會員鼓勵 (23:48)

書展即將舉行,資深傳媒人曾智華牽頭同唔同行業嘅人出版新書《原來天使在身邊》,分享下佢哋嘅真人真事,點樣跌倒及企返起身嘅經歷,今日佢哋舉行新書分享會,部分作者就同大家分享下佢哋身邊嘅天使係邊個,其中民建聯創黨主席、立法會前主席曾鈺成噚日就笑言,要享「瘀事」係易到極,因為佢經歷嘅瘀事數之不盡咁話。

曾主席話,從教書、做校長、參與政治,到當上立法會主席,咁多年嚟經歷過唔少高高低低,回望過去,先發現原來人生中出現唔少天使。佢話「從政以來,我看來一帆風順,其實第一次接受直選洗禮時,遭遇了人生最難忘的失敗,甚至想過退出政壇」,憶述2003 年民建聯選舉大敗,佢仲未喺沮喪中恢復過來時,在街頭遇到一位男士,向佢展示剛登記嘅民建聯會員證,原來對方就係想同佢講,雖然民建聯選舉失敗,但仍然有人支持,曾主席形容呢個經歷非常鼓舞。

另一作者,著名戰地記者張翠容就分享話,自己從事戰地新聞報道多年,喺美國「9.11」事件發生前到阿富汗採訪時,曾經萌生放棄嘅念頭,但當時預到一位只有19 嘅阿富汗新聞系大學生,被對方立志改變社會嘅熱情感動,令佢一直走落去,成為佢堅持做新聞嘅動力。

呢本新書扣除印刷成本後,所得收益會全部捐予「陳校長免費補習天地」。

其他報道:【短片:Emily Online】開會變開火 黃碧雲劉國勳互鬧「躝癱」「潑婦」

其他報道:【短片】市民覆核議員資格下周三聆訊 朱凱廸、鄭松泰:按早前判辭大機會失議席

相關字詞﹕編輯推介

上 / 下一篇新聞