港聞

下一篇
上一篇

【壹週刊賣盤】選擇賣盤不結業 CEO:不想員工無工做、對小股東負責 (16:15)

壹傳媒早上舉行員工大會,行政總裁張嘉聲宣布旗下《壹週刊》等雜誌售予W Brothers Investment公司,作價5億元,前晚通知大股東黎智英,並獲黎支持。張嘉聲在會上表示,選擇賣盤而非結束雜誌,是「不願意見到大量員工無工做」,以及要對小股東負責。

相關報道:【壹週刊賣盤】壹傳媒CEO料9月完成交易 晤員工交代 執總淚灑

《明報》取得一段壹傳媒員工大會的現場錄音,張嘉聲在會上指處理壹傳媒旗下雜誌去向時有多個方案,公司決定不結束雜誌有多個考量,首先是因為《壹週刊》在香港與台灣合共有近400名員工,他不可以「就咁去董事會話我哋撐唔住,但為保住貞節牌坊執咗佢,可能好多同事贊成,但都會影響到其他同事」,公司亦不願看見大量員工「無工做」。

張表示另一不結束雜誌的原因是要向小股東負責,他指前年壹傳媒旗下《忽然一周》結業,受影響人數比今次賣盤少,但在股東周年大會時小股東仍非常不滿,質疑為何不出售仍有價值的周刊。張嘉聲指《壹週刊》員工過去「創造咗成績出嚟,係真係有價值喺度,先至會有人肯用呢個價錢嚟將品牌接受咗」,更重要是賣盤後壹傳媒可確保員工盡量繼續有工作。

被問到可否確保所有員工自願過渡至新公司,或會否提出自願離職方案,張嘉聲稱相信壹傳媒「一定會補足(賠償)畀同事」,但是否有「肥雞餐」或額外補償,要再與管理層及董事會商討,因為即使不計香港,《壹週刊》單在台灣遣散員工,「唔用『肥雞餐』,公司要賠償畀佢哋都係唔少」,但他答應會盡量為員工爭取補償。

另外,有員工指《壹週刊》作為成功的數碼媒體,虧損卻可能是全港最多,是否有管理層要為此負責;張嘉聲聞言直指「我係負責人」,稱公司除受政治打壓影響廣告收入外,想將雜誌報紙化是策略上出錯。他指將雜誌轉為數碼化,與將報紙數碼化大大不同,「報紙最殺食地方係有即時新聞,佢會令讀者每日不同咁嚟睇有咩事發生」,但這不是雜誌的經營模式,「因我哋無可能日日做幾百條新聞出嚟,希望人哋日日都睇我哋份雜誌」。

張又指《壹週刊》有大量人手亦是虧損原因之一,「如果今日想開一份網上雜誌,除非你係有政治目的、有維穩費支持,(否則)你係唔會有幾百人喺度」,他以有不少讀者的《立場新聞》為例,指對方員工人數「係我哋大約兩成」,而世上亦無有多少成功的網上雜誌例子。他指壹傳媒集團做過很多嘗試,「唯一我哋無嘗試過,係叫呢度咁多位同事一齊起身,我留返20人喺度,呢樣我做唔到」,故公司最終需賣盤。

相關報道:【壹週刊賣盤】CEO向員工保證非為「維穩費」售予黃浩

相關報道:【壹週刊賣盤】CEO引述黎智英稱「好傷感到最後都要轉手」

相關字詞﹕壹週刊賣盤 壹週刊 壹傳媒 黎智英 張嘉聲 政治打壓 廣告 雜誌 肥雞餐 虧損 賣盤 忽然一周 品牌 自願離職 數碼媒體 媒體 傳媒 報紙化 即時新聞 立場新聞 編輯推介

上 / 下一篇新聞