港聞

下一篇
上一篇

【壹週刊賣盤】CEO向員工保證非為「維穩費」售予黃浩 (15:13)

壹傳媒旗下《壹週刊》及其他雜誌將售予商人黃浩牽頭的財團W Brothers Investment Ltd,預計9月底完成交易。《明報》取得壹傳媒行政總裁張嘉聲會見員工交代情況的錄音,張表示並非為錢而將雜誌賣予黃浩;對於有員工擔心賣盤後《壹週刊》報道自由會否受限制,張稱「相信市場會話佢(黃浩)聽《壹週刊》係點」。

相關報道:【壹週刊賣盤】壹傳媒CEO料9月完成交易 晤員工交代 執總淚灑

在員工大會上,有員工擔心《壹週刊》賣盤後能否繼續自由發聲,張嘉聲回應指相信讀者多年來已知道《壹週刊》政治理念如何,「唔可以保證黃生(黃浩)第日點管理《壹週刊》,但相信市場會話佢聽《壹週刊》應該係點。如果佢做咗啲嘢係市場唔接受嘅,佢呢5億元都會化水,佢係生意人,應明白《壹週刊》代表乜嘢,相信我哋幾位總編都會令新僱主知道《壹週刊》係點樣先可以守住」。

張嘉聲稱《壹週刊》是「全香港最受歡迎雜誌」,又指雜誌因受政治打壓,被大批廣告商杯葛,「完全無晒廣告」,賣盤後「相信當唔係黎生(黎智英)或壹傳媒管理《壹週刊》,廣告商會好樂意打廣告落香港最受歡迎雜誌」。

另有員工質疑黃浩的資金來源,張嘉聲指黃之前賣出旗下《都市日報》,「表面上睇到佢賣《都市日報》,啲錢喺《都市日報》入嚟」,但他不會代對方回答資金來源,只說,「同佢團隊傾時我哋逼得佢好緊,所以先至會有、佢要等《都市》筆錢入咗嚟先至可以同我哋完成交易,邏輯上我覺得佢啲錢係佢套現套返嚟嘅」。

張嘉聲又指壹傳媒不是為錢而將旗下雜誌賣予黃浩,「如果我哋公司或黎生係為錢,我哋根本唔需要有今日日子喺度,只要佢(黎智英)肯點下頭,我諗啲維穩費會飛到咁入嚟,所以我可以同你保證,我哋唔係因為佢有維穩費而賣畀佢,如果我要搵維穩費,我唔需要搵黃浩,有好多好多其他人接觸過我哋」。

相關報道:【壹週刊賣盤】CEO引述黎智英稱「好傷感到最後都要轉手」

其他報道:【暴動罪審訊】3人罪成2人罪名不成立 首見被告脫罪

相關字詞﹕壹週刊賣盤 壹週刊 壹傳媒 黎智英 黃浩 張嘉聲 政治 理念 打壓 廣告 維穩費 雜誌 都市日報 編輯推介

上 / 下一篇新聞