港聞

【Emily Online】4議員被DQ或失津貼 黃之鋒周庭即時「失業」? (18:19)

劉小麗、梁國雄、羅冠聰和姚松炎被取消議員資格,除咗佢哋受影響之外,以立法會津貼聘請嘅議員助理,都好可能會受影響。「香港眾志」秘書長黃之鋒、常委周庭都係羅冠聰嘅兼職政策研究員,或會「即時失業」。

4人申永久擱置法律程序遭駁回 法官:無法證明原訴濫用司法程序

Emily翻查立法會文件,依家每名立法會議員每年可獲發約260萬元作辦事處嘅營運開支,開支包括職員薪酬、辦事處租金等。

周庭同黃之鋒都係羅冠聰嘅兼職政策研究員,Emily翻查立法會4月份嘅申報資料,周庭返咗80小時工,有4000元人工,黃之鋒就返咗78.5小時工,出糧3900元。另外,羅冠聰另外兩名議員助理,眾志常委林朗彥、社區幹事黃莉莉,分別出糧15000元同11000元。

Emily今日打電話畀黃之鋒同周庭,黃之鋒晚上以短訊回覆話,羅冠聰被DQ有嚴重影響,因為議辦入面會有13名職員「失業」,當中7名係香港眾志黨員。黃之鋒仲話,眾志將會失去主要財政來源,呼籲香港人去香港眾志嘅網站參與月捐計劃。

法官:姚松炎有意使讀出額外字句被理解為誓言一部分

法官:梁國雄宣誓撐傘叫口號不莊重

法官:劉小麗故意慢讀 無意傳達、履行誓辭

法官:羅冠聰宣誓提高「國」字聲調 表達質疑或不尊重主權國地位

相關字詞﹕宣誓覆核案 梁國雄 劉小麗 羅冠聰 姚松炎 宣誓 議員資格 編輯推介

上 / 下一篇新聞