港聞

下一篇
上一篇

【Emily Online】清潔龍阿德抽水玩「傳心術」勸勿惹小強 網民大讚「真傳心專家」 (21:39)

有線新聞近來一段有關動物傳心術嘅報道惹起廣泛關注,記者假稱一隻其實係玩具模型嘅烏龜「布歐」走失咗,測試傳心師係咪真係憑一張相同佢溝通,知道佢去咗邊,最終傳心師知道係模型都好錯愕。報道引來全城哄動,網上甚至有人「布歐」開咗個facebook專頁添,就連「清潔龍阿德」都忍唔住要出post抽水!

其他報道:【Emily Online】無綫主播吳璟儁做政治助理? 吳:我真係無辭職

清潔龍阿德今晚就喺fb出咗張圖,話某男神走失咗寵物小強,所以搵傳心師幫手,仲上載咗WhatsApp對話截圖。圖中顯示,某男神傳送咗張寵物曱甴小強嘅相比傳心師,傳心師就用量子力學聯絡到小強,仲傾咗成10分鐘,話小強叫男神唔使擔心,佢喺噚日食剩盒飯度「疏乎緊」,「唔返嚟架喇」。某男神就好似好傷心咁講,「小強,你唔好死呀小強!」又話「我同你相依為命,同甘共苦咁多年,已經當你係我親生骨肉咁供書教學,估唔到今日白頭人送黑頭人呀。」嗯,句對白咁熟口面嘅,好似聽「唐伯虎」講過呀。

清潔龍阿德仲喺status度話,「其實唔駛傳心都知,小強最鍾意周圍搵嘢食,所以垃圾桶要記得冚實啊! 」佢又勸大家,小強係害蟲唔好當做寵物。網民都忍唔住大讚阿德先係動物傳心專家,「識講人話,知道蚊、蟲同埋米奇老鼠諗D(啲)咩野(嘢)」。睇嚟政府嘅吉祥物都幾深得人心。

講起吉祥物,另一名出名的政府代言人大嘥鬼,噚日都上載咗條rap嘅短片。大嘥鬼扮嘻哈俠,用freestyle教人點用雪櫃,節約能源。Emily就唔係好識欣賞,不過第一次唱都算係咁,網民似乎都幾鍾意,仲吸咗接近2000個like添。

其他報道:趁拍照時非禮姨甥女1分鐘 姨丈被判入獄6周2日

其他報道:【行人注意!】警明起嚴打亂過馬路7天 最高罰2000元

相關字詞﹕清潔龍阿德 大嘥鬼 布歐 傳心師 小強 編輯推介

上 / 下一篇新聞