港聞

下一篇
上一篇

【Emily Online】無綫主播吳璟儁做政治助理? 吳:我真係無辭職 (16:34)

林鄭上場,新班子運作,各局長目前正各自物色副局長及政治助理,希望盡快齊人上陣。除了從政府或政黨找人才外,Emily聽聞政府有張邀請名單,專門推薦傳媒人入政府,當中包括無綫主播吳璟儁,仲有消息話佢或會做政制及內地事務局嘅政助添。

Emily今日問吳璟儁,佢都好有禮貌,透過WhatsApp回應話:「我真係無辭職,仍然在原崗位工作、趕故仔。公司不容許我們私下回應的,請見諒!」Emily想了解多啲,但佢都係重申自己無辭職,「工作如常,多謝關心」。

有消息人士話,名單確有吳璟儁嘅名,但都要睇當事人自己係咪接納這份工,亦要經過政府遴選程序及品格審查等,依家確實係早階段。

另一個喺名單嘅,係無綫前記者林子豪,佢早前已離開無綫,去咗英國讀書,返嚟之後去咗九巴做公關阿頭。Emily問佢會否入政府,林子豪只係話:「不是。」咁政府有無邀請過佢入政府呢?佢就話唔講得咁多喇。

其他報道:【DSE放榜】林作稱望尖子勿「自慰式埋首專業世界」 網民:讀完法律不做律師嘅人數也不少

其他報道:【短片:DSE放榜】庇理羅士女狀元盼港大讀醫 桌上貼「天道酬勤」 望社會少爭吵多包容

相關字詞﹕編輯推介 無綫主播 吳璟儁 政助

上 / 下一篇新聞