港聞

下一篇
上一篇

【Emily Online】林鄭與6大宗教領袖 同入教堂為港祝福 (21:45)

崇拜係基督教嘅每周活動,今日聖公會聖約翰座堂舉行、由聖公會教省主教長鄺保羅大主教帶領嘅「燃亮香港」感恩崇拜,出席者竟然包括6大宗教代表,包括基督教、天主教、伊斯蘭教、孔教、道教同佛教,出席者仲有特首林鄭月娥。道士、和尚、伊斯蘭教士及基督徒同台,咁嘅陣容一齊為香港祈禱祝福,相信都好罕見。

其他報道:【參考光房】陳帆建議資助社企租唐樓 劏房予有需要者短住

呢個感恩崇拜原來係回歸20周年活動,由唔同宗教領袖及林太一齊燃點燭光,祈願和平、愛臨到香港,崇拜共有超過400人出席。崇拜開始時,鄺保羅喺禱告中向上帝獻上感恩,感謝上帝賜下祝福畀香港人,又為香港、國家同世界祈禱,又安排3個代表(包括一名年輕人、一名成人及一名長者)分享佢哋眼中香港嘅美好事物。

聖公會、天主教、不同基督教宗派的代表又輪流帶領參加者祈禱,「主場」嘅聖公會隨後就邀請出席嘅各宗教領袖及多位總領事代表等燃點3支象徵「信、望、愛」嘅蠟燭,祈求香港人以平安嘅心生活等。而林太就燃點第4支、印有洋紫荊圖案嘅蠟燭。聖公會聖約翰座堂喺7月期間會擺放一支聖燭及為香港撰寫嘅禱文,歡迎公眾一齊為香港祈禱咁話。

Emily好奇,唔同宗教都有各自嘅儀式,宗教代表出席今次崇拜時,有無「入鄉隨俗」一齊禱告?據知其他宗教代表主要都係參與,但點燭儀式時,大家可以用各自方式為香港祝福。

其他報道:蔡若蓮任教局副局? 范太讚履歷好:立會選舉落敗不表示什麼

其他報道:【短片】投訴等足72個月 醫療事故家屬嘆折磨 籲「先行一步」改革醫委會

相關字詞﹕編輯推介 林鄭月娥 特首

上 / 下一篇新聞