港聞

下一篇
上一篇

【Emily Online】做外遊局長? 教育局長楊潤雄:一個月一次,我諗機會好細 (09:43)

教育局長楊潤雄新上任不足一周,被問到會唔會好似上屆局長吳克儉咁,喺任內外訪逾60次,楊潤雄笑住話:「即係平均一個月一次,我諗機會好細」,話傾向以香港工作為重。

其他報道:【50億教育撥款】楊潤雄:每年3萬元資助讀自資學位 不包括八大開辦自資課程

楊潤雄由副局長升任成教育局長,佢今朝出席商台節目時被問到,選擇外訪時有無準則、數量,楊潤雄就話,要視乎外訪需求,會優先考慮香港工作,但如果有部分議題需要局長親身去,就會考慮吓,「(我)始終服務香港市民,出去外地,都希望可以幫到香港教育界發展」

上任局長吳克儉在5年任內外訪逾60次,被外界戲稱為「外遊局長」。楊潤雄被問到會唔會外訪咁多,佢笑住話:「5年(內)?即係平均一個月一次,我諗機會好細」,仲話如果外訪同香港工作撞時間,會傾向留喺香港工作喎。

楊潤雄仲話,吳克儉嘅外訪觀感上的確係多,但係佢都有幫前上司解畫。佢話吳克儉希望香港喺教育上在亞洲佔一席位,亦都花咗很多時間與內地交流,由於吳克儉已為外國連繫打好基礎,相信自己未來唔使去咁多次外訪。

另外,楊潤雄透露,自己兩名子女都已經升讀大學,二人喺香港都係讀國際學校嘅,佢解釋,自己曾經被派往澳洲工作,回港後希望子女盡快適應學校生活,所以揀咗國際學校,佢仲話,而家諗返覺得其中一名子女讀本地學校會適合啲。

其他報道:退休高級警司女兒涉藏大麻花 遇警截查逃跑終被捕

其他報道:紀律部隊新丁流失督察主任級警隊最多

相關字詞﹕教育局長 楊潤雄 吳克儉 外訪 編輯推介

上 / 下一篇新聞