港聞

【Emily Online】林鄭FB凌晨貼短片總結「當特首的第一天~」 (01:44)

林鄭月娥噚日就任第五任行政長官,坐咗呢個新位置一日,佢今日凌晨12點幾喺都係噚日開通嘅fb上面貼短片,用一張張相,將由晨早起身恤髮開始,一路將全日行程記錄落嚟,以噚晚放煙花同市民合照作結,林太仲留言話「當特首的第一天~」。

除咗一句留言,林太又將幾乎佢噚日嘅行程都TAG咗喺文尾,譬如#升旗、#就職、#大灣區等等。個post出咗一個鐘左右,雖然三更半夜,但都有超過250個讚好,又有廿幾個勁正,但都有近百幾個嬲嬲。至於網民留言,Emily掃咗一眼,大多係支持林太,叫佢加油,又有人話林太「咁夜重開工」,但亦有人係鬧嘅,直接話「最關心你仲會做幾多天」。

其他報道:林鄭回顧港大生活 稱遺憾無拿過獎學金

其他報道:林鄭上任即開fb同IG 貼Set頭化妝片:以最佳狀態迎接大日子

相關字詞﹕編輯推介 林鄭月娥 特首第一天

上 / 下一篇新聞