港聞

【Emily Online】回顧港大生活 林鄭遺憾無拿過獎學金 「我做得非常好」 (22:42)

香港大學畢業嘅新任行政長官林鄭月娥上個月12號接受母校社會科學院院長卜約翰(John P Burns)訪問,林太喺訪問中回顧喺香港大學讀書嘅日子,話遺憾當時冇攞過獎學金。

其他報道:林鄭上任即開fb同IG 貼Set頭化妝片:以最佳狀態迎接大日子

卜約翰喺訪問中問林太喺港大讀書時有咩挑戰最難忘,林鄭話無咩特別,但時時都覺得遺憾嘅係從來冇攞過獎學金,「我做得非常好,我以為自己非常好。我申請過一兩次(獎學金),有面試過,但唔得……」

林太話想攞獎學金唔係為咗學費,而係對自己好表現嘅認可。佢話學費對佢唔係問題,因為佢當時自己有賺錢,爸爸亦支持佢。林太仲話,佢從未申請過助學貸款之類,「喺嗰個年代,我哋都係靠自己」。

另外,對於作為一個女性加入公務員行列有冇咩挑戰,林太話好幸運,當佢加入政府時兩性已經相當平等。

其他報道:「頭條新聞」調時段 嫻姐現身鬧CY 提劉曉波患癌

其他報道:林淳軒稱警問「信不信我拔槍」 眾志強烈譴責街站派傳單遇阻

相關字詞﹕編輯推介 林鄭 特首 香港大學 港大 獎學金

上 / 下一篇新聞