港聞

【Emily Online】「頭條新聞」調時段 嫻姐現身鬧CY 提劉曉波患癌 (17:15)

無綫電視突然抽起噚晚港台節目《頭條新聞》,本來嘅時段改咗播財經新聞同蘇民峰嘅風水節目,搞到《頭條新聞》到今日凌晨12點半,先喺J5到播。Emily打開電視時都一頭霧水,唔通節目入面有啲咩「不能說的秘密」?

其他報道:【Emily Online】林鄭上任即開fb同IG 貼Set頭化妝片:以最佳狀態迎接大日子

Emily今朝專登上網睇返,內容風格其實都同過往類似,嘻笑怒罵咁講上個禮拜嘅時事,好似習近平訪港、梁振英卸任同劉曉波患癌。講習近平嗰段,用咗Twins嘅《你最紅》嚟做襯樂。至於講梁振英嗰段,仲搵嚟「苦主」--工聯會立法會議員陳婉嫻嚟講下𠻹。

嫻姐喺片段中一開聲就話,當初畀梁振英嘅誠意打動,投咗票畀佢,但後來發現「並非如此」,仲話佢喺標準工時同強積金對沖兩個議題上搣唔甩「走數」呢個名。成個節目以劉曉波患癌作結,仲以彭羚首《囚鳥》做襯托。

搬咗時段播,唔知收視率有冇影響,Emily諗住八吓,但就未有回覆。不過,呢一集《頭條新聞》.喺港台網站都可以睇返,大家有興趣可以搵吓。

港台機構傳訊組總監伍曼儀話,星期一(3日)會去信無綫電視同通訊管理局,要求詳細解釋事件。佢話之前調動節目,無綫都會通知港台,而港台要簽署相關文件,表示確認同接受該節目調動,但今次港台暫時冇簽過相關文件。無綫電視噚晚就話節目調動常有發生,係正常做法。

其他報道:無綫臨時抽調《頭條新聞》 港台:過去需事前通知並簽署文件 通訊局稱正了解是否違要求

其他報道:【回歸20年】林淳軒稱警問「信不信我拔槍」 眾志強烈譴責街站派傳單遇阻 

其他報道:【七一遊行】牽頭出發 林榮基:回歸20年港差到不堪 中央想摧毀自己的承諾

相關字詞﹕頭條新聞 無綫電視 香港電台

上 / 下一篇新聞