港聞

下一篇
上一篇

【短片:Emily Online】七一遊行藝術家扮愛國人士舉標語 背著黑色空櫈象徵劉曉波 (15:18)

今日係回歸20周年,民陣發起嘅七一遊行將喺下午3時由維園出發,藝術家黃國才,每年都以不同造型參加遊行,今年他扮演愛國人士,盼同遊行人士做成對比,帶出荒謬感。

不過可能佢扮得太似,當佢喺鵝頸橋等候時,就畀約10位警察圍住,警察似乎係擔心佢會同遊行人士起衝突,有Madam話要保護佢安全,希望佢企遠啲,唔好進入遊行人士範圍。

同場有市民就問阿Sir 同Madam,知唔知佢係邊個,阿Sir 就話「唔知喎」,搞左一輪,抄左身分證之後,警察都離開啦。

黃國才話,佢今日叫「才哥」,特登整左唔同標語,例如係「Holy Xi」、「Piece of Xi」。佢話,習近平來港嘅安排完全顯出習係神聖,所以用上Holy 一字,而唔同建制人士都想同習影相、集郵,顯示佢地都想要習嘅一部分(piece)。

黃國才話,希望透過呢啲幽默荒謬嘅超現實場景,等公眾反思專權黨國在香港收買臨時市民充當演員,上演愛國、愛黨嘅怪現象。

另外藝術家歐陽東今年身穿黑色,背上背住一張黑色椅子,上面寫住「救治」兩字,歐陽話空櫈明顯以劉曉波作主題,形容劉情況同香港一樣,都患上癌症,需要救治。

藝術家三木則以畢加索藝術品「格爾尼卡」做主題,格爾尼卡作品為表達畢加索不滿當年二戰時德軍轟炸西班牙一個村莊。三木話,目的借藝術品向一班大學生表達不滿,不滿他們話唔要悼念六四,唔參加七一遊行,希望提醒他們要抵抗唔公義政權。

好戲量成員灣仔做行為藝術,在地上鋪滿「奠」字,並塗上紅色顏料,惹人注目。好戲量創團藝術總監楊秉基話,林鄭月娥新上場,如果林太唔聽市民聲音,就如有她嘅本姓一樣,鄭字去掉耳,變成奠字。

楊話,藝術工作者一直被受打壓,西九原係文化藝術區,卻無諮詢情況下宣布要建故宮,習近平到港時,亦係先到西九視察故宮,他們原在該地排練,卻因而受阻,明顯沒尊重藝術工作者意見。

其他報道:屯門外籍漢報稱遭5男非禮

其他報道:【多相】習近平結束行程離港 烈日當空 至少3紅帽學生不適 1人倒地

相關字詞﹕七一遊行 藝術家 編輯推介 習近平

上 / 下一篇新聞