港聞

下一篇
上一篇

【Emily Online】國旗區旗左右不分? 市民:「呢次真係擦錯鞋」  (19:20)

今年七一係香港回歸廿周年,唔少地區人士都特意製作傳統竹棚花牌,仲放喺大馬路旁邊,上面主要都係寫住「熱烈歡迎國家主席習近平視察香港」、「慶祝香港回歸祖國二十周年」及「恭賀林鄭月娥榮任香港特別行政區行政長官」等等嘅字句。不過有讀者就報料話,見到國旗同區旗嘅擺位左右調轉咗,大嘆「呢次真係擦錯鞋」。

Emily睇返政府禮賓處網站,若於建築物外展示國旗及區旗,喺確定該建築物嘅左、右時,以人立於建築物前,面向該建築物前門時嘅左、右為準。但呢一批花牌就左右調轉咗。

問返有份製作花牌嘅十八鄕鄉事委員會主席梁福元,佢話知道國旗區旗擺法有規有矩,事先已經問過意見,仲叫咗造花牌嘅人鄭重留意,家下要再研究下,若果真係有錯就會改返。

Emily見到由元朗新田、十八鄉,甚至西貢坑口都有呢類巨型花牌,福元哥就話唔係鄉議局統一製作,只係個別鄉事自發,仲多謝讀者嘅提醒。

其他報道:【網上熱話】男子爆粗虐兒片廣傳 女聲籲「唔好再打,我無力阻止」 警跟進調查

其他報道:【狠父虐兒】警帶走拍片者調查 女童安好正由保良局照顧

其他報道:【劉曉波肝癌】官方發獄中片段 呂秉權質疑:想證明人間是地獄,監獄是天堂,合常理邏輯嗎?

相關字詞﹕回歸二十 編輯推介 習近平 梁福元

上 / 下一篇新聞