港聞

下一篇
上一篇

林超英:國際合作20年 為黑臉琵鷺脫「極度瀕危」級別 (18:55)

香港回歸20周年,天文台長林超英喺佢個網誌「草雲居」分享,佢20年前嘅6月代表香港觀鳥會,喺東京參加有關保育黑臉琵鷺嘅國際會議,大家一齊為保育當年只得500隻、屬於「極度瀕危」級別嘅黑臉琵鷺出謀獻策,最初大家都無乜頭緒,但又覺得唔可以乜都唔做,於是就從了解問題開始,啟動咗此後持續多年嘅國際協作行動。

其他報道:首獲頒銅紫荊星章 李慧詩感意外 籲港人不要放棄不要沮喪、不要隨波逐流

會議後不久,人造衛星追蹤實驗在香港米埔展開,找尋黑臉琵鷺春夏天嘅繁殖地所在,從此多項跟進保育措施喺內地、台灣、朝鮮同韓國執行,結果國際協作湊效,黑臉琵鷺數字呈上升趨勢,到2017年增至3000隻以上,令這種原本走向絕種之路嘅物種脫離「極度瀕危」級別,成為近年國際上少有成功嘅保育行動。

林超英話,自然保育係漫長工作,偶然見到自己投入嘅努力竟然成為成功個案嘅一部分,心中喜悅足以推動繼向前行。林超英又話,有人話佢係「病態樂觀」,佢唔反對,因為佢見過茫無頭緒嘅難題,也可以喺劣勢下得到解決,黑臉琵鷺就是一例,所以佢相信只要目標正確,堅持加努力可以帶來成功。

其他報道:【網上熱話】男子爆粗虐兒片廣傳 女聲籲「唔好再打,我無力阻止」 警跟進調查

其他報道:【狠父虐兒】警帶走拍片者調查 女童安好正由保良局照顧

 

相關字詞﹕黑臉琵鷺 林超英 編輯推介 保育

上 / 下一篇新聞