港聞

下一篇
上一篇

【Emily Online】「泰妹降臨」 鄭松泰B女七一前出世 (18:00)

喺各界熱烈慶祝香港回歸二十周年之時,新界西立法會議員鄭松泰呢幾日原來好鬼緊張,事關佢嘅千金今日出世,鄭松泰話,早前啲朋友都問過佢怕唔怕個囡會撞正7月1日出世,佢話,原本預產期都無咁近,都唔想呀囡一出世就咁政治,其後知道今日要開刀,就無呢個擔心喇,仲話多謝大家嘅祝福,而家要先忙住湊女喇。

其他報道:12人獲大紫荊 97年後最多 蔡子強﹕予人「濫派」觀感 勳章「大貶值」

鄭松泰喺今朝8點左右佢facebook宣布「泰妹降臨」,佢講緊嘅係佢個囡囡今日剛剛出世,有7磅幾咁重,而且有唔少頭髮,之後又留言話「泰B遠睇似我」,唔少網民都留言恭喜,又有網民搞笑回應話「似媽媽好啲」,真係隔住個mon都感受到鄭松泰嘅喜悅。

見鄭松泰咁開心,Emily梗係要打去恭喜佢喇,提到之前有朋友係佢facebook留言,擔心佢個囡會做「回歸廿周年第一B」,佢就話之前都無呢個擔心,因為個預產期無「中得咁正」,但唔知點解,等下等下就愈來愈近71,不過之後定左可以今日開刀,趕及係6月最後一日出世,就無再驚喇,Emily邊同佢傾時,就邊聽到背後有唔少bb聲,佢話而家要忙住「親子時間」,要先湊女喇,「多謝大家祝福喇」

其他報道:中國駐英大使:一國兩制非常成功 不能光盯著心懷不滿的人

其他報道:【網上熱話】男子爆粗虐兒片廣傳 女聲籲「唔好再打,我無力阻止」 警跟進調查

相關字詞﹕鄭松泰 編輯推介

上 / 下一篇新聞