港聞

【emily online】「短命」局長都獲金紫荊星章 劉江華乜都無? (00:02)

政府公布2017年授勳名單,三位司長張建宗、陳茂波、袁國強今年均獲大紫荊勳章。局長方面,民望最高嘅高永文,同民望最低嘅吳克儉,都齊齊獲頒授金紫荊星章。喺2015年7月先一齊獲任局長嘅張雲正同劉江華呢?前者由太平紳士一躍便有金紫荊星章,但劉江華就無份?Emily噚日有問政府中人,佢哋只確認劉江華並未獲任星章,但無解釋原因。唔通因為劉江華會過渡新政府,大把機會?

咁奇?未算!Emily仲見到,創科局長楊偉雄2015年11月先做局長,以及今年2月先做局長嘅馬紹祥同蕭偉強,佢哋都本來只係太平紳士,但都喺今年獲授金紫荊星章,點解偏偏劉江華就無份?

根據傳統,司局長出任官位一段時間後,會陸續獲授銅、銀或金紫荊星章,司長一般更會獲大紫荊勳章。

他報道:【短片】「香港一直牽動我的心」 習近平簡述訪港三目的:祝福、支持、謀劃未來

其他報道:【短片】習近平發言後轉身離開 記者問「會讓劉曉波自由嗎?」 未獲回應

其他報道:習近平下榻萬麗海景酒店 大批警員灣仔戒備

 

 

相關字詞﹕編輯推介 劉江華 金紫荊

上 / 下一篇新聞