港聞

下一篇
上一篇

【emily online】高敬德獲頒銀紫荊星章 去年1880萬投得張曉明書法 (00:05)

政府公布2017年授勳名單,今年共有12人獲授大紫荊勳章,而獲金紫荊星章有25人,銀紫荊星章則有35人。其中一個獲銀紫荊星章嘅叫做高敬德,睇番資料呀,佢係香港中華文化總會會長,可能佢好熱愛文化,去年佢就喺民建聯周年籌款晚會,以1880萬元投得中聯辦主任張曉明嘅四個字:「度德而處」嘅書法,貴過同場國學大師饒宗頤所寫嘅「上善若水」,當日係全國政協許榮茂以300萬元投得。

高敬德係全國政協委員兼新恆基國際集團主席,當晚投得張曉明書法但無到場,佢經常喺《文匯報》等親中報章發表文章,評論時事。公司網頁形容高敬德愛國愛港。

政府解釋,高敬德獲得授勳嘅原因係,「熱心參與公共事務,成就卓越,並竭力在大中華地區弘揚中華文化,促進香港與海內外文化藝術的交流,尤其對培養認識祖國及在香港推廣基本法方面,不遺餘力」。

其他報道:【短片】「香港一直牽動我的心」 習近平簡述訪港三目的:祝福、支持、謀劃未來

其他報道:【短片】習近平發言後轉身離開 記者問「會讓劉曉波自由嗎?」 未獲回應

其他報道:習近平下榻萬麗海景酒店 大批警員灣仔戒備

相關字詞﹕編輯推介 授勳 高敬德 張曉明 民建聯

上 / 下一篇新聞