港聞

【Emily Online】海洋公園炎夏「夏水禮」 6500隻鴨陪你濕身消暑 (22:18)

近嚟天氣咁熱,真係要玩水降降溫!適逢海洋公園於7月1日至8月27日會舉行「夏水禮」,除咗玩水消暑,到時仲有一個大沙灘,可以玩沙之餘,仲有得睇熊貓同企鵝沙雕!

開業40周年嘅海洋公園,今年希望透過夏水禮令大家重拾兒時嘅開心點滴,除咗有系列濕身嘅消暑活動,佢哋邀請咗雕刻大師Ray Villafane同埋佢嘅團隊,為公園創作咗3個以海洋公園機動遊戲同動物大使為主題嘅巨型沙雕作品,當中包括全港最大、高6米嘅巨型沙雕。同時,海洋公園同香港玩具大王林亮合作,為大家帶來6500隻可愛嘅經典鴨,等大家邊玩水邊同鴨仔影相留念。

海洋公園會7月14日至8月27日期間(8月26日除外)推出夏日夜場,逢周五、六同日延長開放時間至夜晚9點,5點後入場有近半價優惠。

其他報道:台破歷來最大宗可卡因走私案 港女圖帶8公斤入境被捕

其他報道:會面提及「做特首最後階段」 習近平2個「充分」評價梁振英5年表現

其他報道:【多圖】會面提及「做特首最後階段」 習近平2個「充分」評價梁振英5年表現

相關字詞﹕海洋公園 夏水禮

上 / 下一篇新聞