港聞

下一篇
上一篇

【短片:Emily Online】新華社RAP住教一國兩制:20年前降下了屈辱,升起了主權 給港「大禮包」 (15:23)

今個星期六就係香港回歸20周年,國家主席習近平亦都會訪港。新華社噚晚推出咗一首廣東話嘅「神曲」,用半Rap半唱形式唱「一國兩制」。

其他報道:【回歸20年】李源潮:中央長期堅持一國兩制方針不變

呢條大約3分半鐘嘅動畫片段,用廣東話唱嘅,但字幕就係簡體字。片段一開始,女教師就話今日考試要考「一國兩制」,班上嘅後生仔就覺得好難,「咁就觸碰到我嘅知識盲區」。

之後女教師就數白欖,另外有一把男聲就用好快嘅語速讀出內容,由香港經濟發展以至雞蛋仔都有提及到。

片段特別用到1997年7月1日嘅國旗同區旗升起畫面,話「降落咗屈辱,升起咗主權」。

條片仲提到,國家授權畀香港嘅「大禮包」,裏面有行政管理權、立法、獨立嘅司法及終審權。軍事、外交呢兩方面,香港就無「管理員權限」,仲話「有事請呼叫中央政府啦」。

其他報道:梁振英任內最後施政匯報:警隊以最克制武力解決「佔中」 講政改無提結果

其他報道:【短片】任內最後行會 梁振英被擲陰司紙:畀你5000萬!

其他報道:【短片:習近平訪港】部分泛民不獲邀 梁振英四度回應「不評論」

相關字詞﹕習近平 新華社 編輯推介

上 / 下一篇新聞