港聞

【Emily Online】高永文最後一次局長身分訪京 與胡定旭、衛計委老友飯敘 (23:32)

特區政府今日喺北京搞咗個「香港回歸祖國20周年——同心創前路 掌握新機遇」成就展,除咗現任及候任特首,唔少即將離任嘅局長包括食衛局長高永文、政制及內地事務局長譚志源都有上京。而曾任醫管局主席嘅政協常委、「肥胡」胡定旭知道老拍檔高永文喺度,就特登搵佢午飯敘舊。

今次係高永文最後一次以局長身分訪京,肥胡咁啱喺北京開常委會,就搵咗衛計委嘅老朋友同高醫生飯敘。席間衛計委國際合作司司長王立基仲話代表衛計委向高醫生致敬,感謝佢任內對中港醫療衛生合作上嘅貢獻。

其他報道:仁愛堂劉皇發夫人小學教師涉強拖學生 教育局指校方設專組調查

其他報道:中醫師與成年女兒亂倫 父囚2年 女判監14個月緩刑兩年

其他報道:青年踢波失42萬勞力士手表 波友稱不小心取表 交到警署

上 / 下一篇新聞