港聞

【Emily Online】陳帆探志雲班 提一地兩檢稱「問番張教授(張炳良)」 (22:23)

繼候任特首林鄭月娥之後,候任運輸及房屋局長陳帆亦去睇「志雲大師」陳志雲主演嘅話劇,陳志雲同陳帆伉儷傾偈,陳帆話原本退休後都打算做有關社會服務嘅義工,但同時都有感覺「有少少責任嚟緊」,所以唔係完全無準備做局長。

其他報道:【DR美容誤殺案】想要健康卻變廢人 截兩小腿女客作供痛哭 被告犯人欄內一直哭泣

陳志雲喺fb上載影片,片中陳帆同太太到後台探班。陳志雲同陳帆太太傾偈,對於老公唔退休反而擔任問責官員,陳太話老公接受公職前有問佢意見,佢問老公「係咪想做、幫香港市民呢?」而呢個一直都係老公嘅諗法,又話責任大要「佢(陳帆)負責任」。

陳帆就話,退休後有感覺「有少少責任嚟緊」,唔係完全無準備做。陳帆又話,覺得以佢嘅經驗、閱歷可能有啲人搵佢做啲嘢,陳帆話係感覺,無得解釋。對於係咪一邀請就係請佢入運房局,陳帆話係秘密,係兩個人之間嘅約定,唔講得。

至於一地兩檢嘅安排,陳帆話有信心可以處理,現任運輸及房屋局長張炳良早前話,內地人員喺西九站「工作純粹與清關有關」,但全國人大常委會副秘書長、基本法委員會主任李飛就話具體仍商量當中,究竟係點呢?陳帆耍太極話,「問番張教授(張炳良)」。

其他報道:仁愛堂劉皇發夫人小學教師涉強拖學生 教育局指校方設專組調查

其他報道:中醫師與成年女兒亂倫 父囚2年 女判監14個月緩刑兩年

相關字詞﹕編輯推介

上 / 下一篇新聞