港聞

下一篇
上一篇

【Emily Online】田二少叫新移民獎學金得主考慮做特首 讚小朋友數學頭腦好過政府 (21:48)

立法會議員田北辰(田二少)自從退出新民黨,有返男人嘅空間後,講嘢好似更加放鬆咗。今日(6月25日)有個「新來港學生升讀大學獎學金計劃頒獎禮」,田二少係其中一個嘉賓,到佢致辭嗰時,佢話欣賞同學仔咁努力,讚讚下無啦啦叫同學仔將來諗下做區議員、立法會議員、局長,甚至係選特首,話可以服務社會。唔知田二少有咩含義呢?

其他報道:【短片】領展拆售商場 新業主工程封出入口 母嬰健康院及政府診所或無得留低

跟住另一位致辭嘅立法會議員經民聯嘅梁美芬都附和田二少,又講多次同學仔可以考慮做特首,兩人都好似好興奮咁。

講開又講,田二少除咗叫新移民獎學金得主做特首外,仲讚小朋友數學頭腦好過政府。話說噚日田二少獲邀做幼稚園K2至小學P6數學比賽嘅頒獎嘉賓,佢喺facebook講,想同小朋友分享數學嘅重要性,就舉咗迪士尼樂園向政府收取管理費嘅例子,將政府比喻成老竇,而迪士尼樂園就係個仔,問小朋友想爸爸每個月收入乘1%做零用錢,定扣除開支乘10%。佢話大部分小朋友都揀1%,覺得就算老豆剩唔多錢,都唔關佢哋事;田二少於是讚小朋友數學頭腦仲好過政府。

Emily唔知班學生明唔明,淨係知田二少愈嚟愈暢所欲言。

其他報道:【取消強積金對沖】政府方案惹爭議 張建宗:早料到大家都不支持 但有意義

其他報道:【林鄭新班子】入行會為重啓政改 湯家驊:我是民主派不需任何人批准

相關字詞﹕編輯推介 田北辰

上 / 下一篇新聞