港聞

下一篇
上一篇

【Emily Online】遭何啟明嘲諷「大學未畢業」 羅冠聰反擊:可以望吓身邊嘅建制派議員學歷有幾高 (16:56)

立法會財委會今日繼續審議啟德體育園撥款申請,議事廳內火藥味濃。香港眾志羅冠聰發言時追問當局,有關「設計-興建-營運」(DBO)模式同政府付款嘅定義,就受到工聯會何啟明批評佢「大學未畢業」,追問定義係「大學tutorial(導修課)嘅水平」。

其他報道:中大生闖宿舍嚇醒女生 稱興奮感可紓讀書壓力 判18個月感化

何啟明諷刺咁話「唔知羅冠聰係咪大學未畢業,呢啲水平,執着定義嘅水平,通常係大學一年級、啱啱入大學嘅同學先至會拘泥於定義問題」。佢話,只要將事件解釋得清楚,如幾時畀錢、點樣畀錢就得,而唔係要拘泥個名稱。何啟明最後仲形容係「大學tutorial嘅水平」。

真係未大學畢業嘅羅冠聰之後反駁,形容何係「零票又唔多人識嘅議員」,批評佢用學歷論斷人哋嘅能力,叫佢諗吓如果一個人嘅學歷等於能力,「可以望吓身邊嘅建制派議員學歷有幾高」。羅冠聰又話,從來唔覺得一個人嘅學歷同能力掛勾,而何啟明作為中大哲學系畢業生,「呈現出來嘅能力充分顯示咗學歷同能力唔掛勾」。

羅冠聰又指何啟明剛才的批評係拉低議事質素,「零票、冇經過選舉已經冇人識你,冇人用醜事傳千里嚟增加自己嘅知名度」。

民主黨林卓廷之後發言就話,建制派議員嘅言論已經失去理性批判,仲借用建制派謝偉俊早前喺UGL委員會嘅「至理名言」:「請用common sense(常識)」,又話講學歷對建制派議員都冇好處,奉勸何留意一下建制派其他同事嘅學歷。

其他報道:【Emily Online】行會新貴齊讚林鄭實幹得嚟又溫柔 常關心同事問候家人

其他報道:擬6.30辦集會 民族黨陳浩天fb稱:警通知當晚因「維修」全封尖沙嘴鐘樓

相關字詞﹕何啟明 工聯會 羅冠聰 大學生 立法會

上 / 下一篇新聞