港聞

【Emily Online】行會新貴齊讚林鄭實幹得嚟又溫柔 常關心同事問候家人 (11:57)

候任行會成員張國鈞同林正財今朝喺商台節目,同大家分享林鄭月娥平日溫柔嘅一面。林正財話大家平日見到林太都喺電視,不免覺得佢好個樣同身段好強硬,皆因當時就正正係佢講緊政策、面對挑戰之時,但佢就話自己認識嘅林太,係十分溫柔同體貼,每次見面都會問候佢家人,關心佢工作,仲不時分享自己感受,所以佢話林太絕對唔止實幹一面,仲好貼近市民嘅心。

被問到最窩心嘅一次經驗,佢就話係林太好關心佢仔女,佢細仔兒時曾參加龍舟比賽,當時同林鄭有一面之緣,過咗咁多年之後林太仲記得佢個仔。

講到林太競選期間最溫柔嘅一面,幫林太助選嘅張國鈞就話,鏡頭以外嘅林鄭好柔情,仲話近距離接觸林鄭嗰時,林太好認真聽人講意見,完全感覺到佢真係諗住採取意見,唔同有啲人,「聽完你意見,『眼仔碌碌』話畀你聽『你嘅意見我聽到喇』,呢啲場面,我哋見得太多」Emily忍唔住諗,佢話緊邊個呢?

其他報道:【林鄭新班子】行會民建聯有兩席親疏有別? 工聯會黃國健:我唔識答你

其他報道:【林鄭新班子】稱新成員難增市民好感 王永平批新行會班子「難免令人打呵欠」

其他報道:【林鄭新班子】被指政治素人公職資歷淺 林正財自稱多落區相當貼地 透露月前與林鄭吃早餐時獲邀

相關字詞﹕編輯推介 林鄭月娥 行政會議

上 / 下一篇新聞