港聞

【短片:Emily Online】探陳志雲班被問組班詳情 林鄭:唔好諗住氹我講 你上台啦 (23:44)

新班子通過晒任命之後,候任特首林鄭月娥今日放輕心情,應陳志雲邀請去睇佢主演嘅話劇,「志雲大師」見到林太,都不忘不停追問佢組班過程,問到組班問題,林太似乎差啲招架唔住,催志雲快啲上台表演。

其他報道:【林鄭新班子】獲邀入行會 湯家驊指將民主派聲音帶入政府:光譜很闊

陳志雲喺facebook上載咗一段同林太對話嘅4分鐘短片,開頭用話劇打開話匣子,問林太鍾唔鍾意話劇,林太就話,喺芸芸表演藝術當中,好鍾意睇話劇,中學時更做過編劇,改編過莎士比亞嘅The Winter's Tale(《冬天的故事》)。

見林太笑笑口,陳志雲就笑佢完成組班之後終於瞓得着覺,一向唔會放過訪問機會嘅佢,急住問林太點解搵陳帆做運輸及房屋局長,林太就有少少激動咁話,「喂,我曾經係發展局長,佢係發展局下嘅部門首長……佢係一個幾資深的署長。」林太又講笑咁話,因為陳帆係好鍾意接受挑戰嘅人,所以畀份最難啃佢。

問到咁上下,林太開始催陳志雲上台表演,但係陳志雲依然追住問佢組班嘅過程,「你(對心水人選)有興趣先同中央講,定同中央傾過下先再問人?」林太似乎有所警惕,笑住話,「組班過程嘅細節呢,我唔會透露,又唔會評論。你唔好因為我今日好似好輕鬆咁樣呢,就想諗住氹我講多啲野,你上台喇要。」

其他報道:【林鄭新班子】陳智思任行會召集人 指施政將愈加困難 行會更要發揮角色

其他報道:發展局長馬紹祥不留任 認政府「熱廚房、唔易做」 讚繼任黃偉綸「貼地」

相關短片:

相關字詞﹕編輯推介 陳志雲 林鄭月娥 新班子

上 / 下一篇新聞