港聞

【Emily online】馮檢基變「小編」反擊? 民協FB:你話我戀棧,我堅持不戀棧! (19:23)

民協噚日喺fb公佈,元老馮檢基已經取得黨內三分之二支持票,得到中委會確認後,就可以代表民協,參與稍後舉行嘅立法會九龍西補選。民協個公佈又指,今次補選係泛民同建制兩陣對決,呼籲民主動力盡快啟動泛民初選協調機制,決出一位泛民代表出戰。

其他報道:【Emily online】曾俊華伉儷下周去泰國玩到7月初 缺席回歸活動?

不過呢個post一出,就引來大批網民留言,有網民更語帶諷刺:「恭喜民協成功交棒,世代交接」,但就係「交俾上一代」,「我只覺得你係戀棧權位」。

面對網民如此質疑,民協fb「小編」噚日已經快速現身反駁,但這「小編」無啦啦以第一身「我」嚟作回應:「我戀棧權位,12年不會中委會通過我在九西選(8成當選),我却堅持選超級。16年也不返回九西!」、「我留底,你話我戀棧,我堅持不戀棧,你話我不忠不義!你最叻,公字都贏」、「補選是兩陣對疊,建制對非建制,非建制派要有初選,找出勝算最高的去砌建制派,你仍當作民協家事!」但只係一兩個鐘後,這位小編就未見再現身嘞。

Emily今日問過馮檢基,佢始終唔肯講自己係咪果位「小編」,只重申民協會就呢單事件有個「書面說明」。面對不少網民留言批評,馮檢基就話,喺當今政治如此分裂嘅時候,每一位政治人物都要面對「左中右、前前後後」嘅意見,只要「唔係粗口,鬧人三代」,就「有則改之,無則加勉」。

其他報道:【Emily Online之新班子亮相】身體好唔好?袁國強反問記者點答 張建宗表心迹:服務市民半世紀係我嘅盼望

其他報道:【短片:Emily Online之新班子亮相】張建宗續任司長 林鄭口誤稱「張建宗局長」

其他報道:【一文睇晒】林鄭班子邊個最多物業?

其他報道:【一圖睇晒】林鄭新班子舊人事? 3司13局逾半梁班子過渡

相關字詞﹕民協 馮檢基

上 / 下一篇新聞