港聞

【短片:Emily Online之新班子亮相】身體好唔好?袁國強反問記者點答 張建宗表心迹:服務市民半世紀係我嘅盼望 (17:20)

律政司長袁國強曾經幾次腸部不適要入院,佢喺記者會被多次問到,身體狀况如何。司長就話,每個人都要睇醫生,強調自己身體嘅狀况唔會影響到佢嘅工作表現,但係又唔肯正面講自己身體係咩情况。

其他報道:林鄭:政綱裏好多工作,難以5年內完成

近年有唔少傳媒報道,袁司長腸部不適要休假,仲入過醫院,Emily同好多行家都關心司長身體狀况,喺今日新班子記者會提問。袁國強先澄清,自己無親口講過身體抱恙,只係傳媒報道佢身體有問題,但袁司長話唔認為自己身體有問題。

有行家問袁國強可唔可以直接講自己「身體好好」。袁司長話笑一笑,「好可能最合適答呢個問題嘅唔係我自己」,反問記者如果被問到身體好唔好會點答,仲話:「(身體)最好、好好,或者係一般,都唔會影響我喺現階段、往後的階段影響到個人職務。」

另外,將會續任政務司長嘅張建宗被問到會唔會完成任期,接任政務司長一席已經近5個多月,加埋未來5年任期,到時就會完成佢半世紀嘅公職生涯,「50年不變服務香港市民嘅心」,張司長仲話相信達到呢個紀錄係唔容易嘅,「為香港市民連續服務50年,係我嘅期望、係我嘅盼望」。

其他報道:林鄭指會用心聆聽 班子被評二流 林鄭:無特別留意泛民議員評語

其他報道:林鄭不答有否因中央拒絕而換馬 強調目前班子最理想

其他報道:林鄭:感謝中央信任支持 政府角色應「更積極進取」 為下一代建設更美好香港 

相關字詞﹕新班子亮相 身體 袁國強 張建宗 編輯推介

上 / 下一篇新聞