港聞

【短片:Emily Online之新班子亮相】張建宗續任司長 林鄭口誤稱「張建宗局長」 (17:27)

接替林鄭月娥做政務司長已經半年嘅張建宗,將過渡到下屆政府;不過可能佢做局長太耐,好難改口,連邀請佢做司長嘅林太,今日下晝都仍然稱呼佢做「局長」!

林鄭月娥同新團隊見記者時,被問到「舊人事」,點樣有「新作風」、「管治新風格」。林太回應自己喺政府服務接近37年,亦做咗3屆政治任命官員,雖然係舊人,「都能夠畀到市民有盼望」,提出管治新風格、政府新角色、理財新哲學,「可以畀到大家有新嘅景象」。

佢繼續話,「睇唔到點解同樣長期服務政府但年資比我淺一啲,除咗張建宗『局長』之外,畀唔到大家有呢個信心」。唔知係咪張建宗曾經擔任局長好耐,林太一時未改口,佢之後好似無發現有誤,繼續發言。

翻查資料,現年66歲嘅張建宗,1972年7月港大畢業後,隨即加入政府成為新聞主任,1979年9月轉投政務職系。林鄭月娥就喺1980年加入政府,做布政司署房屋科政務主任。

其他報道:【Emily online】曾俊華伉儷下周去泰國玩到7月初 缺席回歸活動?

其他報道:【新班子亮相】梁振英籲社會支持新政府

其他報道:【新班子亮相】羅范:開局較梁振英好 林鄭民望不斷上升

其他報道:林鄭:政綱裏好多工作,難以5年內完成

相關字詞﹕林鄭月娥 新班子 張建宗 政務司長 特首

上 / 下一篇新聞