港聞

下一篇
上一篇

【Emily Online之《這個特首不太冷》】屈穎妍為CY撰「感性」回顧 董建華受訪讚「難得的好人」 (18:32)

香港齊心基金會今日下午喺童軍中心龍堡國際賓館舉行茶敍,Emily見到現場嘉賓離開時都有份「紀念品」,原來係由專欄作家屈穎妍撰寫嘅《這個特首不太冷》,入面仲有梁振英CY嘅兒時同埋佢同仔女一家五口嘅照片。

相關報道:【超多圖】齊心基金會辦歡送茶敍 葉國謙引述梁振英:不影響下屆施政下 續為港為國努力

Emily見民建聯葉國謙離開茶敍嗰陣,揸住呢本《這個特首不太冷》,阿謙話,茶敍上派發呢本係「感性」嘅回顧,佢仲透露梁振英會喺兩星期後派發另一本「理性」嘅5年工作回顧。

阿謙同傳媒展示呢本書,當中包括數版「CY私相簿」,入面有梁振英嘅兒時照片同家庭照,亦有唔同人對梁振英嘅感受,包括全國政協副主席董建華嘅「嚴肅就是沒廢話」、紀文鳳嘅「記了三十年的恩」等。

揭開董建華受訪嗰一章,董建華話自己比梁振英更嚴肅,「不少人誤會了梁先生(梁振英),其實他做事深思熟慮,是個難得的好人」。董建華又話,喺佔中嘅艱難境況下,CY「沉着、不衝動」,「這種亂局(佔中),全世界好多,最後多是流血收場,但我們卻能以和平方式解決此事,非常不容易,亦得到中央信心。」

其他報道:【多相】16救生員請病假 兩泳灘停救生服務 康文署:定嚴肅跟進 泳客斥危害安全

其他報道:指發展非必然破壞環境 馬紹祥:中國是人類智慧和文明搖籃

其他報道:【貧富懸殊】羅致光倡取消標準稅率、設資產增值稅 指以資本賺錢較勞力賺錢快

相關字詞﹕梁振英 香港齊心基金會 齊心基金 馮煒光 葉國謙 譚耀宗 董建華 編輯推介

上 / 下一篇新聞