港聞

【Emily Online】爆阿爸90幾歲頭髮仍在 周一嶽遇護髮推銷耍手擰頭 (16:20)

唔少男人都好關注頭髮嘅問題,曾任食衛局長嘅周一嶽似乎就唔係好擔心。一連三日喺會展舉行嘅健康博覽今日開始,開幕禮請咗無見一排嘅周一嶽主持揭幕儀式,最近重返商界喺保險公司任職嘅周一嶽精神唔錯,講起頭髮,仲自爆家族男子一向頭髮多。

周一嶽沿路行入會場時,側邊有檔護髮產品職員走出嚟同佢推介產品,周一嶽即刻摸摸自己頭髮耍手擰頭。之後佢同Emily講,佢爸爸之前到90幾歲啲頭髮都仲喺到,所以就唔太擔心呢方面嘅問題。佢又提到平時無食開保健產品,雖然瞓唔多但無失眠問題,仲keep住做運動,保持健康。

周一嶽仲提醒市民可按自己需要食保健食品,但唔好十幾款一齊食,擔心會有唔同嘅反應,最緊要適可而止。

其他報道:代表朱經緯大狀曾任反黑組督察 庭上稱慶幸毋須陪審團裁決 「除非你是黃絲」 即被裁判官打斷

其他報道:【多圖:朗豪坊電梯溜後調查報告】主驅動鏈與斷裂裝置雙重失效 本港首見 展開刑事調查

相關字詞﹕周一嶽 編輯推介

上 / 下一篇新聞