港聞

【Emily Online】羅致光獲港大長期服務獎 指港勞福及人口政策發展慢 (18:14)

香港大學下午舉行長期服務獎頒獎典禮,有近300名教職員工作咗最少15年,其中喺港大社會工作及社會行政學系做副教授、近排盛傳係下屆政府勞工及福利局局長熱門人選嘅羅致光,原來喺港大教咗35年,今日亦係得獎者之一。

其他報道:80歲夫涉勒斃76歲病妻 獨子早年離世兩老相依 區議員嘆長者遇困多不願求助

羅致光話自己喺1981年8月正式入港大做嘢,好開心可以喺大學工作,因為可以教書,同時又可以參與社會事務。佢話學生好鍾意聽佢講故仔,例如係政策同人事關係,同埋分享一啲「秘密」。Emily好奇想知係乜「秘密」,但佢就笑笑口話唔講得喎!

被問如果日後有新發展,會唔會更加忙,甚至可能係唔再喺港大做呢?羅致光話大學工作本身都好忙,做到凌晨2、3點係常態,但佢覺得忙「唔係工作位置問題,而係個人取態」;佢無直接回應未來會唔會唔做,淨係話喺一個地方工作咁耐,「總有退休一日」。佢又話自己喺福利、勞工同人口政策上有好多睇法,覺得回歸咗咁多年,因為種種原因,相關方面發展有啲慢。

其他報道:80歲疑兇獨力照顧76歲中風妻 感情要好 疑不堪病痛折磨勒斃患病妻

其他報道:【短片:倫常命案】疑兇照顧愛妻被稱「好好先生」 街坊指感疑兇「好攰」 慨嘆:除咗同情或者關心,我哋做唔到乜嘢。

相關字詞﹕港大 香港大學 長期服務獎 羅致光 勞工及福利局 勞福局 勞工 福利 人口 政策 編輯推介

上 / 下一篇新聞