港聞

下一篇
上一篇

【Emily Online】中學收留「雪糕伯伯」車仔 摺椅墊長植物顯頑強精神 (22:15)

喺石硤尾龍珠街公園一帶擺檔逾60年嘅「雪糕伯伯」黃廣上月病逝,黃伯生前同附近嘅瑪利諾神父教會學校相熟,一班校友對佢身後事同舉辦追思會都不遺餘力,學校校友會喺facebook貼文,話黃伯嘅「勞斯萊斯」──伴隨佢多年嘅雪糕車今日「進入校園」,「正式成為瑪記歷史的一部分」。

其他報道:雪糕伯伯設靈雪糕筒花牌送別 子:父最愛芒果味

校友會喺fb分享話,黃伯車上有張摺椅,佢哋發現椅上墊子,竟然生咗一棵植物,佢哋都感歎:「真的不知道養分從哪裏來,也許是伯伯留給所有瑪記人的精神養分吧!」

校友會話,校長將呢棵植物種咗喺校園入面,「儘管環境惡劣,這小樹苗還是冒出頭來了,頑強得令人佩服,跟黃伯那一份堅持、剛毅一模一樣!」

校友會仲話,校長帶住教師、工友同同學親力親為,已經一齊將雪糕車裏裏外外清潔好喇!

其他報道:校長:伯伯係學校靈魂人物 年底校慶或設悼念活動

其他報道:【酷熱天透心涼】洋婦生日免費派軟雪糕分享快樂 街坊:融化我個心

其他報道:【網上熱話】毛蟲似蜘蛛俠? 專家:屬港常見品種 花紋鮮艷用作自我保護

相關字詞﹕編輯推介 雪糕伯伯 瑪利諾神父教會學校

上 / 下一篇新聞