港聞

下一篇
上一篇

【Emily Online】周浩鼎指東江水無統包旱災恐要制水 楊岳橋:唔通你個黨可以成功爭取旱災 (23:33)

民建聯周浩鼎噚日喺facebook貼文,攞住支水話公民黨楊岳橋唔要東江水統包機制係「亂咁up(噏),當秘笈」,仲話無統包,萬一旱災,無人率先確保香港有水供應,恐怕要制水。楊岳橋今日喺fb回應「萬一旱災,你估只有香港咩?成個廣東省都有可能受影響㗎,香港慳d(啲)水,咪又係幫返東江水」。

其他報道:【短片:好人好事】客貨車元朗撞攔翻側 車房工人及街坊合力救人

事源毛孟靜日前喺立法會動議「推動『港人港水』 守護本地資源」,要求下屆政府提升本港海水化淡技術應用,減少對東江水嘅依賴。議案喺地區直選議席獲得通過,但喺功能組別被否決,結果議案無法通過。

公民黨楊岳橋喺會上指出,過去10年,香港只有喺2011年「用足」東江水嘅8億立方米配額,其餘9年都未用盡,但無用足都要畀咁多錢,形同「倒錢落鹹水海」。

周浩鼎噚日喺fb寸楊岳橋,話佢「居然話因為每年用不足東江水quota, 所以就唔要統包機制的quota(配額)好了」。周浩鼎仲話,如果無咗東江水配額,萬一旱災,無人率先確保香港的水供應。「你唔要,人地內地其他省市都搶住要。日後萬一制水,你AY(楊岳橋)係咪要香港人陪你用屈臣氏冲涼?」貼文仲配上一張攞住蒸餾水嘅相。

楊岳橋今日喺fb回應,又係攞住水樽,擺出周浩鼎相同嘅表情影相。楊岳橋話,過去10年香港買東江水倒咗45億落海,又諷阿鼎話「有冇咁多旱災呀?唔通你個黨可以成功爭取旱災?」仲質疑阿鼎攞住支蒸餾水,又開埋牌子名,「算唔算賣廣告呢?阿議員要申報㗎?」

其他報道:【Emily Online】14架美食車組大聯盟「自救」 龍舟嘉年華首度齊同場 巿民反應理想

其他報道:【Emily Online】美國退出《巴黎協定》 大嘥鬼嬲豬反特朗普

相關字詞﹕編輯推介 民建聯 公民黨 楊岳橋 周浩鼎 東江水

上 / 下一篇新聞