港聞

【Emily Online】美國退出《巴黎協定》 大嘥鬼嬲豬反特朗普 (21:24)

全球暖化迫在眉睫,聯合國195個成員國前年簽署《巴黎氣候協議》,齊心對抗氣候變化,但美國總統特朗普今日就正式宣布退出有關協議,引來歐洲多國元首批評。連政府惜食香港運動吉祥物「大嘥鬼」都因此「嬲嬲豬」,即時喺facebook以「齊撐巴黎協議」作出回應,又配上自己手持疑似特朗普標誌性金髮嘅相片。「阿鬼」話氣候變化唔只係一個國家嘅事,「如果因為利益、政見而背棄心愛嘅地球,就實在太令人失望喇!」

睇嚟「大嘥鬼」除咗關注香港環保,都好有國際視野。佢仲識引用法國總統馬克龍回應事件嘅聲明中「Make our planet great again」金句,諷刺特朗普嘅競選口號「Make America great again」。唔知今次「大嘥鬼」嘅post,係咪都代表港府對美國嘅立場呢?

其他報道:特朗普宣布退出《巴黎協定》 稱將重新談判另起爐灶

其他報道:【港珠澳橋醜聞】涉大橋石屎測試報告造假 嘉科物料測試顧問合約表現「不能接受」 遭土拓署停投標一年

其他報道:置業負擔比率升至66% 張炳良憂慮樓價日趨非理性 指與購買力脫節

相關字詞﹕大嘥鬼 美國 特朗普 巴黎協定 巴黎氣候協議 氣候變化 環保 法國 馬克龍 編輯推介

上 / 下一篇新聞