港聞

【短片:Emily Online】特首答問會李國麟引述5歲童關注「精神失常病人」 徵狀包括:每日查fb、同人打龍通 (16:05)

特首梁振英今朝喺立法會出席任內最後一次答問大會,衛生服務界李國麟發言時就話端午節撞到特首之前提果個「5歲小朋友」,不過今次唔再係討論房屋問題,而係關注精神失常病人。

其他報道:CY最後答問會 三司十三局唔齊人

李國麟講到,嗰位「5歲小朋友」已經升小二,而佢個同學被擔任精神科護士長嘅鄰居評定為有精神失常徵狀,例如「每日翻查人哋個facebook」、「答問題又九唔答八」、「無端端對住人笑眯眯」、「夾埋人哋打龍通」、「干擾人哋調查,咩咩L事件」。

李國麟話,嗰位護士長都好想幫呢個同學仔,但就話而家一個人要照顧60至80個精神復康者,新症仲要排期一至兩年,所以就想託佢同梁振英問吓,可唔可以離任前增加多啲護士,將照顧比例調整至20至30人。

答問會完結後,好多記者都關心李國麟所講嘅「精神失常病人」係邊個,但佢只係拋低一句「大家自己估下」。Emily都覺得個故事愈聽愈熟,唔知大家又諗到邊個人呢?

其他報道:迪士尼樂園24歲女遭非禮 警拘涉案外籍男子

其他報道:【短片:特首答問會】無正面回應會否出席UGL調查委員會 梁振英:若炒冷飯、政治騷,答案很簡單

相關字詞﹕梁振英 答問大會 李國麟 5歲小朋友 編輯推介 精神病人 醫療 資源 人手比例

上 / 下一篇新聞