港聞

【短片:Emily Online】被問蛋撻揀牛油皮定酥皮 容海恩:係咪一樣? (16:16)

你鍾意食牛油皮定酥皮蛋撻呢?新民黨立法會議員容海恩就答你唔到,佢會反問你「牛油皮同酥皮蛋撻係咪一樣?」

Emily講緊嘅係香港青少年領袖發展協會「香港模擬立法會」嘅宣傳片,佢哋搵嚟唔同嘅立法會議員拍片,喺片中會問佢哋一系列嘅選擇題同IQ題。其中Emily覺得容海恩(Eunice)答唔出自己鍾意食牛油皮定酥皮蛋撻一段最爆笑,Eunice仲要反問主持人有咩分別。到主持用「曲奇皮」代替「牛油皮」再問一次,容議員就話未食過曲奇皮,所以揀酥皮。網民見到佢嘅反應都大畀「哈哈笑」,仲叫大會唔好問啲咁難嘅問題啦。

其他報道:港競爭力第一 負擔全球次高 生活成本僅低於委內瑞拉 樓價租金汽油成關鍵

香港青少年領袖發展協會籌辦咗多年嘅「香港模擬立法會」,今年嚟到第10屆。喺宣傳片中,Eunice除咗分唔到牛油皮同酥皮蛋撻之外,問佢如果世界末日,最想同邊個喺立法會過,佢就笑笑口咁答葉太,然後就哈哈笑到前仰後合;之後再問佢最想同邊個議員去旅行,佢嘅答案都係葉太。至於佢對自己身體邊個部位最有自信,佢就答係頭髮,Emily下次再見到佢時都要留意下佢嘅頭髮係咪好靚先。

Emily睇晒成條片,見到Eunice答問題全程都笑得好開心,有時仲笑到身到震埋,似乎好享受玩呢個答問遊戲。

其實唔同人對同一條問題真係可以有好唔同嘅反應,好似公民黨陳淑莊,問到佢世界末日最想同邊個喺立法會過,佢就好大反應咁話最後一日唔好喺立法會過,揀唔落手咁話寧願選擇唔答。

其他報道:【短片:特首答問會】無正面回應會否出席UGL調查委員會 梁振英:若炒冷飯、政治騷,答案很簡單

其他報道:迪士尼樂園24歲女遭非禮 警拘涉案外籍男子

相關字詞﹕蛋撻 牛油皮 曲奇皮 容海恩 立法會 議員 香港模擬立法會 編輯推介

上 / 下一篇新聞