港聞

【Emily Online】稱欲申辦國際會議但無下文 葉建源轟吳克儉「無厘搭霎」 (23:47)

教育局長吳克儉任內經常外訪,但不時被人質疑成效,教育界立法會議員葉建源今日透露,吳克儉前年喺加拿大舉行嘅國際教學專業會議(ISTP),口頭表示香港有意申辦今年會議,但之後無咗下文,主辦單位其中一名負責人,就喺去年德國會議對此公開表示不滿。教育局長新聞秘書回覆查詢時承認,吳克儉喺前年會議講過有興趣申辦ISTP,但強調並無實質討論。

其他報道:【暴動罪審訊】警員呈堂片認出第5被告 指被告紅衣引其注意 曾向他擲磚頭

去年出席德國會議嘅葉建源話,由於香港教育嘅國際聲譽好高,前年會議嘅與會者,對香港申辦ISTP好有期望,並期待吳克儉喺去年德國會議正式提交計劃,但主辦方喺去年會議前,多番向吳克儉查詢都收唔到消息,最終吳克儉缺席去年會議,香港申辦ISTP嘅期望就此「幻滅」。葉建源批評,吳克儉此舉係「無厘搭霎」。

教育局長新聞秘書解釋,教育局長辦公室喺去年1月已經通知主辦方,吳克儉唔會出席3月舉行嘅德國會議,「葉議員對此可能有所不知,但在沒有實據的情況下提出指摘,我們對此表示遺憾」。

葉建源就不滿答案,強調自己嘅主要質疑,係吳克儉喺前年會議表明,有意申辦今年會議,而唔係有無出席去年會議。佢形容,教育局嘅回覆「也默認沒有就2017年會議與對方作任何討論,原因就是對方未能與教育局取得聯繫,又如何作實質討論呢?」

其他報道:【網上熱話】慈善機構聘幹事要求10年經驗、有學士學位 碩士優先月薪10385元 網民:做侍應都唔止

其他報道:再被入稟申請破產 梅媽指戶口被入稟人凍結「唔係唔畀錢」 入稟人否認 

相關字詞﹕ 吳克儉 葉建源 教育局 編輯推介

上 / 下一篇新聞