港聞

【短片】鄺俊宇促加強放蛇打擊非法繁殖場 蔣麗芸倡齊齊去掃蕩 鄺:放蛇要低調,打鑼打鼓去狗都走晒 (20:05)

立法會研究動物權益相關事宜小組委員會昨日開會,談及打擊非法繁殖場問題,民主黨鄺俊宇發言時提及收到民間義工提供部分疑似地點,惟他們沒有執法權難採行動,質疑當局有否主動作出執法行動。

其他報道:【網上熱話】鬧市易拉架稱「夫妻平賣」詳列兩男女個人資料 律師:或涉刑事恐嚇及違私隱條例

委員會主席蔣麗芸按鄺俊宇說法,即熱列建議鄺若收到類似的地獄繁殖場資料,應提供予當局,「假如你收到某啲『地獄繁殖場』嘅黑點,不如你通知我哋多幾位議員,咁我哋搵埋處長、副秘書長、周獸醫、楊獸醫呀,我哋齊齊一齊去掃蕩地獄繁殖場,好唔好?」

惟蔣麗芸的建議卻令鄺俊宇大感愕然,他即時解釋「主席呀,講明『放蛇』呢,係要低調地進行的,即是假如你打鑼打鼓去拉埋橫額,啲狗都會走晒,多謝你好有心,不過事實上唔係咁做。」

蔣麗芸即時再建議「咁不如我哋夜間去,我哋唔出聲,靜靜雞咁去吖?」鄺俊宇再次解釋,「唔係日間或夜晚,是否靜靜雞都唔關事......主席的做法太有創意啦,一班人去考察,一見光全部(相關人士)就會避開,所以要放蛇」。他又引述民間義工面臨的困難,只能看到密封鐵皮屋傳出貓狗慘叫聲,不知內裡情況,因沒有執法權,如闖入有關處所或被指擅闖私人地方。

當局即指現有執法隊伍有進行相關的放蛇搜證工作,行動時需仔細部署,又透露自今年3月政府立例規管非法繁殖動物後,曾進行3次放蛇行動,事件正調查中。

其他報道:房協研究郊野公園邊陲土地發展房屋 消息:包括大欖及馬鞍山郊野公園

其他報道:幼稚園生神級畫作網上瘋傳 「高登方丈」貼3歲兒填色畫:出界無所謂 畀啲自由佢

相關字詞﹕編輯推介 立法會 非法繁殖 鄺俊宇 蔣麗芸

上 / 下一篇新聞